Бөлүмдөр
Бейшемби, 18-октябрь
Баткен облусуЛейлек району 16.11.2017 13:41

Айыл турмушу: Лейлектик Э.Кудайбердиев күрөштүн бир нече түрүнөн ийгиликтерди жаратууда (фото)

Turmush -  Лейлек районунун Кара-Булак айылынын 23 жаштагы тургуну Эсенбек Кудайбердиев 7 жылдан бери алыш күрөшү менен машыгып, ийгиликтерди жаратууда. Аймактык кабарчы балбан менен таанышты.

Өзүнүн айтымында, 3-4-класстагы кезинен эле күрөшө баштаган.

«Менин күрөшкө кызыгып калышыма атам себепчи болгон. 3-4-классымда атам той-аштарга көп алып барып, башкалар менен күрөштүрүп жүрдү. Кийин райондор аралык мелдештерге чыгып, ийгилик жарата баштадым. Айылдан шаарга келип, Калжигит Рахматжанов агайымдын колунда машыга баштадым. 7 жылдын ичинде алыш күрөш боюнча Кыргызстандын 4 жолку чемпиону болдум. Кыйынчылыктар машыгуу жана мелдешке чыгып жатканда көп болот. Бирок ошол кыйынчылыкты көтөрүп, жеңиштерге жетип жүрөм», - деди ал.

Балбан жигит үй-бүлөдө 3 бир туугандын экинчиси.

Спорттогу ийликтери:

- Кыргыз улуттук күрөшү боюнча мелдештердин 8 жолку жеңүүчүсү;

- Алыш күрөш боюнча КРнын 4 жолку чемпиону;

- 2012-жылы Бишкекте өткөн Азия чемпионатында алыш күрөш боюнча алтын медаль;

- 2014-жылы Биринчи дүйнөлүк көчмөндөр оюндарында казак күрөш боюнча коло медаль;

- 2015-жылы Оренбург шаарында өткөн дүйнөлүк кубокто түркмөн күрөштө коло медаль;

- 2017-жылы Баяман Эркинбаевдин элесине арналган мелдеште күмүш медаль;

- 2016-жылда өткөн Индонезияда өткөн Азия чемпионатында алтын медаль;

- 2017-жылы Ашхабад шаарында өткөн Азия оюндарында түркмөн күрөшүнөн күмүш медаль, алыш күрөштөн алтын медаль.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×